د بنسټیزو چارو تر بشپړېدو وروسته، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د پنځلسمې ناحیې اړوند د ۱۳م ګذر په خواجه بغرا سیمه کې د یو فرعي سړک کانکریټ چارې پیل شوې. د پنځلسمې ناحيې مرستيال مولوي سراج الدين په دې اړه وويل: د دغه سړک په جوړيدو سره به د سيمې د اوسېدونکو پر وړاندې شته موسمي ستونزې هوارې او دوی به ترانسپورتي آسانتياوو ته لاس رسى پيدا کړي. ورته مهال ځايي اوسېدونکو له کابل ښاروالۍ څخه مننه وکړه او ويې ويل: له دې وړاندې د سړک د خرابوالي له امله له ګڼو ستونزو سره لاس او ګرېوان ؤ او ژمنه يې وکړه چې، د دې پروژې په پلي کولو کې به له هيڅ راز هلو ځلو ډډه ونه کړي. دغه فرعي سړک چې (۹۷۰) متره اوږدوالی او له (۴) تر (۵) مترو سور لري، د لښتیو په ګډون به یې د جوړولو چارې تر راتلونکې یوې میاشتې پورې بشپړې شي