د هوايي ډګر له څلورلارې څخه تر ګمرک سیمې پورې د سړک جوړولو چارې ښه کاري پرمختګ لري او څه باندې دوه کيلومتره برخه یې قير کولو ته چمتو شوې ده. د سړک جوړولو په دې پروژه کې چې، (٢٧٩٤) متره اوږدوالی او (٦٠) متره سور لري، د کانال، لښتیو، ګلدانونو، د بایسکل چلولو لیکو جوړول، د څراغونو او ترافیکي نښو نصبول، په سړک دکرښو اچول او د یوه معیاري سړک نور جزیات شامل دي چې، تر اوسه یې (۴۰) سلنه چارې مخته تللې دي. د کابل ښاروالۍ د برنامو او پروژو د تنظیم ریاست د مسئولینو په وینا؛ هڅه کیږي ترڅو د ژمي تر رارسېدو وړاندې د دې سړک د زیاتې برخې قیر چارې ترسره او د ترافیکو پر مخ پرانیستل شي