د کابل ښاروالۍ د کار، ساتنې او مراقبت ریاست له خوا د کابل شمال- لوېدیځ نښلوونکي سړک د دوه کیلومترو برخې د قیر چارې په معیاري او اساسي ډول روانې دي او هڅه کېږي چې ژر تر ژر بشپړې شي. ياد سړک له ذاکرين ښارګوټي څخه د قرغې تر سړک پورې (۷۶۴۵) متره اوږدوالی او (۳۰)متره سور لري چې تر اوسه يې څه باندې (۶) کيلومتره برخه په دوو لیکو کې قیر شوې ده. ورته مهال د دې سړک د شا وخوا یو کیلو متر پاتې برخې د جوړولو چارې روانې دي تر څو هغه هم قیر کولو ته چمتو شي