ښاریانو ته د ترانسپورتي او ښاري آسانتیاوو رامنځته کولو په موخه، د بنسټیزو چارو تر بشپړېدو وروسته د اوومې ناحیې اړوند د پډولې سړک قیر چارې پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه سړک چې (۶۵۷) متره اوږدوالی او (۳۰ )متره سور لري، د لښتیو، پلو لارو، ګلدانونو، د سړک په اوږدو کې د استنادي دېوال او د یوه معیاري سړک د نورو برخو په ګډون به د روان کال په بهیر کې جوړ شي. د یادې پروژې د کار له کیفیت څخه په بېلابېلو پړاونو کې فني او تخنیکي څارنې ترسره کیږي. د دې سړک په جوړېدو سره به د پډولې سیمې اقتصادي ودې ته زمینه برابره او د سیمې اوسېدونکي به یو شمېر ترانسپورتي او ټولنیزو اسانتیاوو ته لاس رسی ومومي