د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د یوولسمې ناحیې اړوند د ۱۴م ګذر په شتل سیمه کې د فرعي سړک کانکرېټ چارې پیل شوې. دغه سړک چې، (۴۴۰) متره اوږدوالی او (۷.۶) متره سور لري، د لښتیو په ګډون به د نږدې یوې میاشتې په موده کې په بنسټیزه توګه بشپړ شي. دا پروژه له ښاري آسانتیاوو څخه د محرومو سیمو اوسېدونکو د ستونزو د حل او دوی ته د کاري بوختیاوو رامنځته کولو په موخه پلې کیږي