د اتمې ناحیې اړوند له بني حصار سیمې څخه د بګرامیو تر پله پورې د سړک جوړولو چارې چې، څه موده وړاندې د کابل ښاروالۍ له لوري پیل شوې وې، څه باندې ۷۰ سلنه مخته تللې دي او هڅه کیږي چې، تر راتلونکې یوې میاشتې پورې بشپړې شي. دا سړک۷۵۰۰ متره اوږدوالی او ۸ متره سور لري چې، چارې به یې د کانکرېټ په بڼه د لښتیو په ګډون په معیاري توګه بشپړې شي. د کابل ښاروالۍ انجنیران د یادې پروژې د کیفیت د تضمین په موخه په بېلابېلو پړاوونو کې تخنیکي او فني څارنې کوي. د دې سړک په جوړېدو سره به له یوې خوا د کابل- لوګر سړک د ترافیکي بهیر پر وړاندې شته ستونزې هوارې او بله خوا به د بګرامیو، رحمن مېنې، ګل بوټه سیمې او د کارته نو تپې ته څېرمه ښاریانو ته ګڼې آسانتیاوې رامنځته شي