د کابل ښاروالۍ د کار ساتنې او مراقبت ریاست له لوري د داود خان او محبس څلورلارو ترمنځ د سړک د اساسي بیارغونې چارې روانې دي. دا کار تر تخنیکي او فني مطالعاتو وروسته د پرمختللې ماشینرۍ په وسیله په معیاري توګه ترسره کیږي. یاد سړک دوه لیکې لري چې، د یوې لیکې د بیارغونې چارې یې بشپړې شوې دي او په دویمه لیکه یې کار روان دی. د ښار په کچه هغه سړکونه چې، د وخت په تېرېدو یې یو شمېر برخې زیانمنې او ویجاړې شوې دي، یو پر بل پسې بیا رغول کیږي چې، دا کار د ښاري تاسیساتو د ساتنې په برخه کې له خورا ارزښت څخه برخمن دی