د دولسمې ناحیې اړوند د احمد شاه بابا مېنې د دویم بلاک له ګولایۍ څخه د امنیت ښارګوټي تر سړک، د نوي سړک د بنسټیزې برخې د جوړولو چارې روانې دي او هڅه کیږي چې هرڅه ژر قیر کولو ته چمتو شي. دغه سړک چې (۷۲۸) متر اوږدوالی او (۴۰) متره سور لري،او د (۷۵۰) مترو په اوږدوالي، د یو متر په سور او د (۱.۳) مترو په ژوروالي به د یوه کانال، لښتیو، پلو لارو، ګلدانونو، د بایسکل چلولو لیکو، په واټونو د کرښو اچولو او د یوه معیاري سړک د نورو برخو په ګډون په اساسي توګه جوړ شي او ورسره جوخت به د احمدشاه بابا مېنې او امنیت ښارګوټي د اوسېدونکو ګڼې ستونزې هوارې او د سیمې اقتصادي ودې ته به زمینه برابره شي.