د نیالګیو کېنولو د خزاني کمپاین په لړ کې د کابل ښاروالۍ د زرغونتیا ریاست له لوري د څوارلسمې ناحیې اړوند قرغې بند په زرغون کمربند کې (۴) زره د پستې نیالګي او (۱۱) زره د ارغوان بوټي کېنول شول. د کابل ښاروالۍ د زرغونتیا رئیس مولوي عبدالوکیل متوکل په دې اړه وویل: دغه نیالګي چې د یاد ریاست په قوریو کې روزل شوي دي، په دې موسم کې د کېنولو لپاره مناسب دي. ښاغلي متوکل زیاته کړه، د یادې سیمې د زرغونتیا په موخه په پام کې لري چې، د پسرلي په موسم کې هم زرګونه ډول ډول نیالګي کېنوي او له هغه څخه سمه ساتنه وکړي ترڅو په مناسب تفریحي ځای بدل شي. کابل ښاروالي پلان لري چې، د سالم ښاري ژوند، رواني آرامتیا او پاکې هو رامنځته کولو به موخه، د ښار په کچه زرغونو سیمو ته وده او پراختیا ورکړي