د نیالګیو کېنولو د خزاني کمپاین په لړ کې د کابل ښاروالۍ د زرغونتیا ریاست له لوري د شپږمې ناحیې اړوند د قلعه مسلم تپې په زرغون کمربند کې (۵۰۰۰) د بادام، (۲۶۰۰) د پستې نیالګي او (۲۵۰۰) د ارغوان بوتي کېنول شول. د کابل ښاروالۍ د زرغونتیا رئیس مولوي عبدالوکیل متوکل په دې اړه وویل: په پام کې ده چې د سالم ښاري ژوند، ذهني آرامتیا او د پاکې هوا رامنځته کولو په موخه، د کابل ښار په کچه زرغونو سیمو ته پراختیا ورکړل شي. نوموړي زیاته کړه چې، د قلعه مسلم تپې په زرغون کمربند د پراختیا په موخه به د پسرلي په موسم کې نور زرګونه بېلابېل نیالګي هم کېنول شي. دغه راز به د خزاني کمپاین په لړ کې د کابل ښار شاوخوا غرونو او تپو په لمنو کې نږدې سل زره میوه لرونکي نیالګي او زنیتي بوټي کېنول شي چې، له هغو څخه (۱۰۱۰۰) نیالګي او زینتي بوټي د قلعه مسلم تپې په لمنو کې کېنول شول