د دولسمې ناحیې اړوند له محبس څلورلارې څخه د سلیم کاروان تر سړک پورې د نوي نښلوونکي سړک د جوړولو چارې (۴۰) سلنه مخته تللې دي او هڅه کیږي ترڅو هرڅه ژر قیر کولو ته چمتو شي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دغه سړک چې، (۲۰۰۹) متره اوږدوالی، (۲۴، ۳۰ او ۴۰) متره سور لري، او د لښتیو، پلو لارو، د بایسکل چلولو لیکو، ګلدانونو، په سړک د کرښو اچولو، ترافیکي نښو نصبولو او د یوه معیاري سړک د نورو برخو په ګډون جوړیږي، د چارو له بېلابېلو پړاوونو څخه یې د کیفیت د تضمین په موخه فني او تخنیکي څارنې ترسره کیږي