د کابل ښاروالۍ د ښاري خدمتونو مرستیال مولوي محمد خالد سجستاني د خیرخانې کوتل سړک د دویمې برخې کاري پرمختګ و ارزاوه او په مسٶلينو يې ټینګار وکړ چې، د سړک د بنسټيزې برخې په جوړولو کې دې له لوړ کيفيت لرونکو موادو څخه کار واخيستل شي او قراردادي شرکت مکلف دى چې د دې سړک د جوړولو چارې دې د ډيزاين او تخنيکي سندونو مطابق، په ټاکلي وخت ترسره کړي٠ دغه راز نوموړي وویل: د سړک هغه برخې چې بې کیفیته جوړې شوې وي ېېرته ویجاړېږي او د بیا ځلي سرغړونې په صورت کې به کابل ښاروالۍ له قراردادي شرکت سره قرارداد فسخ کړي. د خیرخانې کوتل سړک دویمه برخه چې (۲۵۲۰) متره اوږدوالی او (۶۰) متره سور لري، په دوو لیکو کې د جوړېدو په حال کې دی چې، د یوې لیکې ډېره برخه یې قیر شوې ده. په همدې توګه د یاد سړک د دویمې لیکې د بنسټیزې برخې دجوړولو چارې روانې دي ترڅو هغه هم قیر کولو ته چمتو شي. دغه سړک چې د لښتیو، پلو لارو او ګلدانونو جوړولو، په سړک د کرښو اچولو، د ترافیکي نښو نصبولو او د یوه معیاري سړک د نورو برخو په ګډون جوړېږي، د کار له کیفیت څخه یې په دوامداره توګه فني او تخنیکي څارنې ترسره کیږي