د څلورمې او اوولسمې ناحیو اړوند له سرای شمالي څلورلارې څخه د نادریې لېسې تر څلورلارې پورې د بادام باغ سړک د جوړولو او پراختیا چارې ۴۷ سلنه مخته تللې دي او د ژمنيو تدابېرو په پام کې نیولو سره به روانې وي. د کابل ښاروالۍ د برنامو او پروژو د تنظیم ریاست د زیربنايي پروژو د څارنې آمر انجنیر محمد حامد سادات په دې اړه وویل: دغه سړک چې (۳۲۸۹) متره اوږدوالی (۲۰ او ۳۰) متره سور لري، اوس مهال یې د خنډونو پاکولو، د برښنا پایو د لېږدولو او د پاتې بنسټیزې برخې د جوړولو چارې روانې دي. نوموړي زیاته کړه چې، د بنسټیزې برخې تر بشپړېدو وروسته، د یاد سړک یو کیلو متر برخه قیر شوې ده او هڅه کیږي چې، له سرای شمالي څلورلارې څخه د کارته پروان تر څلورلارې پورې هم جوړ او د ترافیکو پرمخ پرانیستل شي