د مکروریانو له څلورلارې څخه تر تنګي غارو پورې ( د کابل- جلال آباد) سړک د لومړۍ برخې د جوړولو چارې په چټکۍ سره روانې دي چې، کیندنې، هوارول او خاورې لېږدول په بر کې نیسي. د دې سړک لومړۍ برخه له مکروریانو څلورلارې څخه تر پکتیا کوټ پورې ۹۳۹۷ متره اوږدوالی او ۶۰ متره سور لري چې، تر څه کم یوه کال پورې به یې چارې بشپړې شي. دغه سړک چې د کابل ښار د ختیځ زون له اقتصاډي دهلیزونو شمېرل کیږي چې، د یوه معیاري سړک د ټولو برخو په ګډون د جوړېدو په حال کې دی او د کار له کیفیت څخه یې په بېلابېلو پړاونو کې تخنیکي او فني څارنې ترسره کیږي