د کابل ښاروالۍ له خوا د ملګرو ملتونو د پروژوي خدمتونو د دفتر په مرسته د اتمې ناحیې په ۴۹م ګذر کې د یوه فرعي سړک کانکرېټ چارې د بشرېدو په حال کې دي. دا سړک ۸۳۵ متره اوږدوالی او ۵.۵ متره سور لري چې، د لښتیو، پلچکونو، استنادي دېوال او د ۴۰۰ مترو په اوږدوالي او یو متر په سور د یوه کانال په ګډون به یې چارې په بنسټیزه توګه ترسره شي. د دې سړک په جوړېدو سره به د سیمې د اوسېدونکو یو شمېر ښاري او ټولنیزې ستونزې هوارې شي. په دې پروژه کې یو شمېر هېوادوالو ته د کار زمینه هم برابره شوې ده