د کابل ښاروالۍ د کار، ساتنې او مراقبت ریاست له خوا د شپږمې ناحیې اړوند د پاسپورت ریاست مخې ته له تیږو څخه د پلولارو د جوړولو چارې روانې دي. د یادې پروژې د مدیر انجنیر افتخار دوران په وینا؛ دغه پلې لارې چې، (۲۵۰۰) مترمربع مساحت لري له ( انترلاک) تېږو څخه په اساسي توګه د جوړېدو په حال کې دي. د دغو پلولارو په جوړېدو سره به له یوې خوا د سیمې ښکلا زیاته، او بل لوري ته به د پاسپورت ریاست مراجعینو ته د تګ راتګ په برخه کې آسانتیاوې رامنځته شي. د یادونې وړ ده چې، د یاد سړک د پلو لارو ځیني برخې د وخت په تېرېدوسره په بشپړه توګه ویجاړې شوې وې چې، د خاورینې برخې تر بشپړېدو وروسته په بنسټیزه توګه بیارغول کیږي