د دولسمې ناحیې اړوند د احمد شاه بابا مېنې د دویم بلاک له ګولایۍ څخه د امنیت تر ښارګوټي پورې د سړک او کانال جوړولو چارې روانې دي او هڅه کیږي ترڅو په لوړ کیفیت سره بشپړې شي. دا سړک ۷۲۸ متره اوږدوالی او ۴۰ متره سور، او کانال۷۵۰ متره اوږدوالی، ۱ متر سور او ۱.۳ متره ژوروالی لري چې، تر دې مهاله یې ۵۰ سلنه چارې مخته تللې دي. د یادونې وړ ده چې، دسړک جوړونې په دې پروژه کې د لښتیو، پلو لارو، ګلدانونو د بایسکل چلولو لیکو جوړول، په سړک د کرښو اچول، د څراغونو نصبول او د یوه معیاري سړک نور جزئیات شامل دي چې، په بشپړېدو سره به یې د سیمې اقتصادي ودې ته زمینه برابره او یو شمېر ښاري او ټولنیزې آسانتیاوې به رامنځته شي