د اوومې ناحیې اړوند د علاءالدین له درې لارې څخه تر تخنیکم پورې د نوي نښلوونکي سړک پر وړاندې د شته استملاکي خنډونو د پاکولو چارې روانې دي. دا سړک چې، (۱۷۶۷) متره اوږدوالی او (۳۰) متره سور لري، او د دارالامان سړک له چهلستون سره نښلوي، د لښتیو، پلو لارو او ګلدانونو جوړولو، د بایسکل چلولو لیکو، د څراغونو نصبولو، په سړک د کرښو اچولو او د یوه معیاري سړک د نورو جزئیاتو په ګډون به، تر راتلونکي نږدې یوه کال پورې جوړ او ورسره جوخت به د ښاریانو یو شمېر ترانسپورتي ستونزې هوارې او د سیمو اقتصادي ودې ته به زمینه برابره شي