د پنځلسمې ناحیې اړوند د ۱۸م ګذر په خواجه بغرا سیمه کې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د (۷۵۰) مترو په اوږدوالي او له (۵) څخه تر (۷) مترو په سور سره د یوه فرعي سړک د جوړولو چارې په چټکۍ سره روانې دي. دغه پروژه له ښاري آسانتیاوو څخه د محرومو سیمو اوسېدونکو د ستونزو د حل او هغوی ته د کاري بوختیاوو رامنځته کولو په موخه د پلي کېدو په حال کې ده. تر دې وړاندې د یادې سیمې اوسېدونکي د سړک د خرابوالي له امله له ستونزو او د هوا له ککړتیا سره مخ وو چې، د دې سړک په جوړېدو سره به یې یادې ستونزې په بنسټیزه توګه هوارې شي. په دې پروژه کې د لښتي جوړول هم شامل دي چې، تر اوسه یې (۹۰) سلنه چارې مخته تللې دي او تر راتلونکو (۳) اونیو پورې به بشپړې شي