د کابل ښاروالۍ د کار، ساتنې او مراقبت ریاست له لوري د پنځمې، شپږمې او دیارلسمې ناحیو اړوند له دیوان بیګي څخه تر مهتاب قلعه پورې د نوي سړک پر وړاندې د شته استملاکي ملکیتونو او نورو خنډونو د پاکولو چارې روانې دي. ټاکل شوې ده دغه سړک چې (۱۷۳۳) متره اوږدوالی، (۳۰) متره سور لري او د کمپنۍ سړک له برچي سره نښلوي، تر راتلونکي یوه کال پورې په معیاري توګه جوړ او ورسره جوخت به د سیمو اقتصادي ودې ته زمینه برابره شي