له دهبوري څلورلارې څخه تر کوټه سنګي (میرویس میدان) پورې د (۸۴۰) مترو په اوږدوالي او (۱۱،۵) مترو په سور سره د اصلي سړک د یوې لیکې لومړۍ طبقه قیر چارې بشپړې او د ترافیکو پرمخ پرانیستل شو. د کابل ښاروالۍ د برنامو او پروژو د تنظیم ریاست د کیفیت او تضمین آمر انجنیر سید محمد احسان هاشمي په دې اړه وویل: د سړک د دې برخې قیر چارې د ژمنیو تدابیرو په نیولو او په لابراتوار کې د اړتیا وړ توکو تر آزمویښت وروسته په معیاري توګه ترسره شوې. نوموړي زياته کړه، چې له دهمزنګ څخه تر کوته سنګي (ميرويس ميدان) پورې د سړک د پاتې برخو دجوړولو چارې به د هوا د ښه والي په صورت کې پر مخ ولاړې شي. د کابل ښاروالۍ مشرتابه او کارکوونکي له دهمزنګ څخه تر کوټه سنګي (میرویس میدان) پورې د سړک د جوړولو او پراختیا د چارو د چټکتیا او ښه کیفیت په پام کې نیولو سره هڅه کوي تر څو د ترافیکي ګڼه ګوڼې له امله رامنځته شوې ستونزې هوارې او ښاریانو ته د آسانتیاوو رامنځته کولو په موخه، د دهبوري له څلورلارې څخه تر کوټې سنګي (میرویس میدان) پورې د اصلي سړک د یوې لیکې قیر چارې د بنسټیزې برخې له جوړېدو وروسته ترسره او د ترافیکو پرمخ یې پرانیزي چې د ښاریانو له خوا یې تود هرکلی وشو