د ښاري ماستر پلان له مخې؛ د څلورمې ناحیې اړوند له پروان سه څخه د بادام باغ تر سړک پورې د نښلونکي سړک د جوړولو لومړني چارې، د شل میلیونه افغانیو په لګښت د کابل ښاروالۍ له خوا پیل شوې. د دې پروژې مسئول انجنیر وهاب الدین مسعود په دې اړه وویل: دغه سړک چې (۵۶۰) متره اوږدوالی او (۲۰) متره سور لري، د پلولارو او لښتیو په ګډون به د کابل ښاروالۍ د برنامو او پروژو د تنظیم ریاست تر څارنې لاندې تر راتلونکو (۵) میاشتو پورې په معیاري او اساسي توګه جوړ شي. نوموړي زياته کړه، ياده پروژه د دې سيمې د اقتصادي ودې او د کابل ښار د ترافيکي او ترانسپورتي زیربناوو د پراختيا په موخه طرحه شوې، چې په بشپړېدو سره به يې ګڼې آسانتياوې رامنځته شي