د پنځمې، شپږمې او دیارلسمې ناحیو اړوند له دیوان بیګي څخه تر مهتاب قلعه پورې د نښلوونکي سړک لومړنۍ چارې د یاد سړک په اوږدو کې د کابل سیند د پاسه د موټرو د تګ راتګ د یوه پله په ګډون د کابل ښاروالۍ د ودانیزو چارو د مرستیال انجنیر عامر زمرک یاسر په شتون کې د څه باندې ۱۰۰ میلیونه افغانیو په ارزښت پیل شوې. د ودانیزو چارو مرستیال وویل چې دا سړک د ۱۷۳۳ مترو په اوږدوالي او د ۳۰ مترو په سور سره د کابل ښاروالۍ د کار ساتنې او مراقبت ریاست له لوري په معیاري توګه جوړېږي چې، د کمپنۍ سړک له برچي سړک سره نښلوي او د سیمو د اقتصادي ودې په برخه کې ځانګړی ارزښت لري. نوموړي زیاته کړه چې، په دې پروژه کې د لښتیو، پلو لارو، ګلدانونو او د بایسکل چلولو لیکو جوړول، کرښې اچول، او د څراغونو نصبول شامل دي