د لسمې ناحیې اړوند د ۶۴۶ مترو په اوږدوالي او د ۲۰ مترو په سور سره د شېرپور سړک د جوړولو او پراختیا چارې روانې دي او اوس مهال یې د کېندنو، خاورې لېږدولو او د لښتیو جوړولو کار تر لاس لاندې دی. د شېرپور له دویم سړک څخه د شهرنو تر شهید څلورلارې پورې به د دې سړک دجوړولو او پراختیا چارې د ۴ میاشتو په موده کې په معیاري توګه بشپړې او ورسره جوخت به د ورڅېرمه سیمو ترافیکي ستونزې په بنسټیزه توګه هوارې شي. کابل ښاروالۍ د سړکونو شبکو د اصلاحي پلان له مخې د شېرپور سړک د جوړولو او پراختیا په اړه اقدام کړی دی