د کابل ښاروالۍ له لوري د لسمې ناحیې اړوند د وزیر محمد اکبرخان سیمې د ۱۳، ۱۴ او ۱۵م فرعي سړک د جوړولو چارې چې، څخه موده وړاندې پیل شوې وې، تر اوسه ۵۰ سلنه مخته تللې دي. دا سړکونه په ټولیزه توګه ۱۱۶۰ متره اوږدوالی او له۱۲ څخه تر ۱۳.۵ مترو پورې سور لري چې، په وروستیو کې یې د یوه سړک ۳۲۰ متره برخه کانکرېت شوې ده او د دوو نورو سړکونو د لښتیو جوړولو چارې یې د ژمي لپاره د تدابیرو په نیولو سره روانې دي. د یادو فرعي سړکونو د کار د کیفیت او چټکتیا په موخه د کابل ښاروالۍ د پروګرامونو او پروژو د تنظیم ریاست انجنیران په بېلابېلو پړاونو کې تخنیکي او فني څارنې کوي. د دې سړکونو په جوړېدو سره به د ښاریانو یو شمېر ښاري ستونزې هوارې او د ورڅېرمه سیمو د ترافیکي بهیر د ویش په برخه کې به مثبت بدلون راشي