په پام کې ده چې په پنځمه ناحیه کې څلور نښلیدونکي سړکونه د کابل ښاروالۍ د ترانسپورت ښه والي برنامي له لاري په اساسي ډول ورغول شي،یاد سړکونه عبارت دي له د دیوان بیګي سړک،سپین کلی ګولایی سړک،د کویټی جومات سړک،او د پنځمي امنیتي حوزی سره نښتی سړک چې له شاوخوا ۴کیلومتره اوږدوالي درلودلو سره له فني څیړنو وروسته په اساسي ډول ډیزاین شوی او د تدارکاتو په لړۍ کې دی چې عملي کار به یې نږدی راتلونکي کې پيل شي. کابل ښاروالۍ د سړکونو جوړولو پروژو ترڅنګ چي د کار لاندې دي د ستونزو د لومړیتوبو او د ناحیو یو شان ودي ورکولو پر بنسټ د سړکونو د معیاري ډیزاین په خاطر د فني څیړنو کار پيل کړی چې د مالي سرچینو او تدارکاتي لړیو تر بشپړیدو وروسته به یې کار پرلپسي پيل شي.