د یوویشتمې ناحیې اړوند د کابل - جلال آباد تر سړک پورې د بګرامي -لته بند سړک د لومړۍ برخې د اساسي جوړولو په موخه، د کیندونو، خاورې لېږدولو او هوارولو چارې روانې دي. دغه سړک چې (۳۳۰۰) متره اوږدوالی او (۶۰) متره سور لري، په اوږدو کې یې د (۴) پلچکونو، استنادي دیوالونو، پلولارو، لښتیو، ګلدانونو او تمځایونو جوړول، د څراغونو نصبول او په سړک دکرښو اچول هم شامل دي چې، چارې به یې په راتلونکو (۱۴) میاشتو کې په معیاري توګه بشپړې او ورسره جوخت به له یوې خوا د کابل په ختیځ زون کې اقتصادي ودې ته زمینه برابره او بله خوا به هېوادوالو ته د تګ راتګ په برخه کې ګڼې آسانتیاوې رامنځته شي