د څلورمې ناحیې اړوند له پروان سه څخه د بادام باغ تر سړک پورې د نوي نښلوونکي سړک د جوړولو لومړنۍ چارې روانې دي ترڅو د سړک اساسي جوړولو ته زمینه برابره شي. د ماستر پلان له مخې دغه سړک چې (۵۶۰) متره اوږدوالی او (۲۰) متره سور سره لري، د لښتیو او پلولارو په ګډون د برنامو او پروژو د تنظیم ریاست تر څارنې لاندې جوړیږي چې، چارې به یې په څلورو میاشتو کې په بنسټیزه توګه بشپړې شي. دا مهم نښلوونکی سړک د بادام باغ او پروان سه سیمو د اقتصادي ودې، د ترافیکي او ترانسپورتي زیربناوو د پراختیا په برخه کې ځانګړی اهمیت لري