د کابل ښاروالۍ لخوا د کابل- لوګر سړک لومړنۍ چارې چې، کېندنې، خاورې لېږدول او هوارول په بر کې نیسي روانې دي او هڅه کیږي د ۱۷ میاشتو په موده کې په اساسي توګه بشپړې شي. د کابل- لوګر سړک لومړۍ برخه له نجات څلي څخه تر چرخ آب پورې په څلورو لیکو کې ۷ کیلو متره اوږدوالی او ۶۰ متره سور لري او د یوه معیاري سړک د ټولو جزئیاتو په ګډون د جوړېدو په حال کې دی. د دې سړک په جوړېدو سره به د کابل ښار د جنوب زون اقتصادي ودې ته زمینه برابره شي ورسره جوخت به په ترانسپورتي او ترافیکي برخه کې غوره بدلون راشي. د کابل ښاروالۍ د پروګرامونو او پروژو د تنظیم ریاست انجنیران د یاد سړک د کار له کیفیت څخه په بېلابېلو پړاونو کې تخنیکي او فني څارنې ترسره کوي