د اتمې او ۱۶مې ناحیو اړوند د کارته نو سړک (د اوبو رسولو شرکت ته څېرمه) د قلعه زمان خان تر عمومي سړک پورې د نوي نښلونکي سړک د جوړولو پر وړاندې د خنډونو ( تر استملاک لاندې ملکیتونو ) د پاکولو چارې د کابل ښاروالۍ له خوا او د دې سړک په اوږدو کې د میشتو ښاریانو په مرسته روانې دي تر څو د سړک اساسي جوړولو ته زمینه برابره شي. دغه سړک چې (۳۰۹۴) متره اوږدوالی او (۳۰) متره سور لري د (۱۸) میاشتو په موده کې به په معیاري او اساسي توګه جوړ شي. یاد سړک د کابل په ختیځ زون کې د ګڼې ګوڼې د کمښت او اقتصادي ودې لپاره خورا مهم دی