د کابل ښار د ماسټر پلان له مخې، د پنځمې ناحیې اړوند له قلعه وزیر څخه د کمپنۍ تر سړک پورې د نوي نښلوونکي سړک د جوړولو چارې د نږدې ۱۵ میلیونه افغانیو په لګښت د کابل ښاروالۍ له خوا پیل شوې. د کابل ښاروالۍ دبرنامو او پروژو د تنظیم ریاست د زیربنايي پروژو د څارنې انجنیر محمد حامد سادات په وینا؛ دغه سړک چې (۳۷۱) متره اوږدوالی او (۲۰) متره سور لري، د لښتیو او پلو لارو په ګډون به د (۵) میاشتو په موده کې په اساسي توګه جوړ شي. نوموړي زیاته کړه چې، یاده پروژه د سیمې د اقتصادي ودې په موخه پلې کیږي چې، په بشپړېدو سره به یې ښاریانو ته ګڼې آسانتیاوې رامنځته شي