د کابل ښاروالۍ د کار، ساتنې او څارنې ریاست له خوا د کابل شمال - لوېدیځ لوی نښلوونکې سړک دپاتې برخې د کيندلو او هوارولو چارې روانې دي تر څو یې اساسي جوړلو ته زمینه برابره شي. د سړک جوړولو دغه پروژه چې، د ذاکرین ښارګوټي (د خیرخانې کوتل سړک) له سیمې څخه د قرغې تر سړک پورې دوام مومي، تر دې دمه(۸۵) سلنه پرمخ تللې ده. د دغه مهم نښلوونکي سړک (۷) کیلومتره برخه مخکې قیر شوې ده او اوس مهال یې د غره په لمنو کې د پاتې برخې د کیندلو او هوارولو چارې روانې دي، او ۱۴۰۴ کال په لومړیوکې به قیر کولو ته چمتو شي. د یاد سړک په بشپړیدو سره به له یوې خوا له شمالي ولایتونو څخه د کابل لوېدیځ لوري ته ترافیکي بهیر ووېشل شي او بله خوا به د سرای شمالي او کابل ښار په نورو سړکونو کې ګڼه ګوڼه کمښت ومومي. د يادونې وړ ده، چې د دغه سړک د جوړونې د پروژې د ځنډ لامل، د غره په لمنو کې کیندنې او هوارول بلل شوی ده. پاتې دې نه وي چې، دغه سړک (۷۶۴۵) متره اوږدوالی او (۳۰) متره سور لري.