د کارته نو له درېیم سړک څخه د کارته نو تر تپې پورې د سړک کین اړخ ته د (۱۵۰۰) مترو په اوږدوالي او (۱۱.۶) مترو په سور سره د یوې فرعي لیکې د جوړولو چار روانې دي. د سړو موسم له رارسېدو وړاندې د دې سړک ښي اړخ ته دويمه فرعي لیکه چې، يو کيلومتر اوږدوالی او (٩،٧) متره سور لري، د بنسټيزو برخو تر بشپړېدو وروسته قیر او د ترافيکو پر مخ پرانيستل شوې ده. د فرعي سړکونو د جوړولو په دغه پروژه کې د استنادي دیوالونو، پلولارو، ګلدانونو او لښتیو جوړول هم شامل دي. د يادو دوو فرعي سړکونو په جوړېدو سره به په ياده سيمه کې ترافيکي ګڼه ګوڼه کمه او د ښاريانو د تګ راتګ په برخه کې به آسانتياوې رامنځته شي