د پغمان د پخواني سړک د اساسي جوړولو او پراختیا په موخه، د کیندلو، هوارولو او خاورې لږدولو چارې روانې دي. دغه سړک به د کابل ښار د ترافيکي او ترانسپورتي بنسټونو د پراختيا په موخه، د قرغې بند له سيمې څخه د پغمان تر تاق ظفر پورې د (٩١٥٣) مترو په اوږدوالي او (۷) مترو په سور سره، د کابل ښاروالۍ د کار، ساتنې او څارنې ریاست له خوا د (۱۱) کاري مياشتو په موده کې په معياري او اساسي توګه جوړ، او ورسره جوخت به د پغمان تفریحي سیمې ته تلونکو هېوادوالو او د څوارلسمې ناحیې اوسېدونکو ته د تګ راتګ په برخه کې آسانتیاوې رامنځته شي.