د ملی تدارکاتو په غونډه کي چي تیره اونۍ، د هیواد د جمهور رییس ښاغلی محمد اشرف غنی تر مشرۍ لاندې جوړه شوې وه، د کابل ښار ۴۰ کیلومترو سړک د جوړولو لومړنۍ چارې (مطالعه او ډیزاین) منظورې شوې. پتیل شوې ده چې دیادو سړکونو، تخنیکی مطالعه او ډیزاین جوړولو چارې په نیږدی راتلونکې کې پیل او تربشپړیدو وروسته به، دیادو سړکونو د جوړولو عملی چارې پیل شي. دا چې په اوسنیو شرایطو کي په اساسي توګه د سړکونو جوړول، دکابل ښار د هری سیمې یوه اړتیا ده نو، اړینه ده چی د تر جوړیدو وړاندې یې دیزاین جوړ او تخنیکی مطالعه تر سره او دجوړولو پر مهال باید دسیمې جغرافیه، نفوس او د ښاري مقرراتو څرنګوالی په پام کې ونیول شي.