د څلورمې ناحیې اړوند له پروان سه سیمې څخه د بادام باغ تر سړک پورې د (۵۶۰) مترو په اوږدوالي او (۲۰) مترو په سور د نښلوونکي سړک د جوړولو چارې روانې دي. د سړک جوړولو په دغه پروژه کې د سړک دواړو غاړو ته د (۲۱۰) مترو په اوږدوالي د استنادي دیوالونو، لښتیو او پلولارو جوړول هم شامل دي چې، د کابل ښاروالۍ د برنامو او پروژو د تنظیم ریاست تر څارنې لاندې به په راتلونکو (۳) میاشتو کې په معیاري ډول بشپړ شي. د یاد نښلوونکي سړک په جوړېدو سره به له یوې خوا د سیمې اقتصادي ودې ته زمینه برابره شي او بله خوا بیا د کابل ښار د ترافیکي او ترانسپورتي زیربناوو د پراختیا په برخه کې ځانګړی اهمیت لري.