د هوا له ښه کېدو سره جوخت د خیرخانې کوتل سړک د دویمې برخې د اساسي جوړولو ( دلښتیو کانکریټ او د سړک قیر کول) بیاځلي پیل کېږي. دغه سړک چې په دوو لیکو کې (۲۵۲۰) متره اوږدوالی او (۶۰) متره سور لري، د روان ژمی تر رارسېدو وړاندې یې د یوې لیکې (۲۰۲۰) متره برخه قیر او د ترافيکو پر مخ پرانستل شوې ده. د سړک جوړولو په دې پروژه کې د لښتیو، پلولارو، ګلدانونو، او تمځایونو جوړول، په سړک د کرښو اچول، د څراغونو نصبول او د یوه معیاري سړک نور جزئیات شامل دي چې، د جوړولو له چارو یې د برنامو او پروژو د تنظیم ریاست د انجنیرانو له خوا فني او تخنیکي څارنې تر سره کېږي. د یادونې وړ ده چې، اوس مهال دیاد سړک د کیندلو او خاورې لېږدولو چارې روانې دي.