د اوومې ناحیې اړوند د علاءالدین له درې لارې څخه تر تخنیکم پورې د نوي نښلوونکي سړک د جوړولو په موخه، د کیندنو، خاورې لېږدولو او د لښتیو جوړولو چارې روانې دي ترڅو د سړک اساسي جوړولو ته زمینه برابره شي. د دغه سړک د جوړولو چارې چې، (۱۷۶۷) متره اوږدوالی او (۳۰) متره سور لري، د یوه معیاري سړک د ټولو جزئیاتو په ګډون به د نږدې یوه کال په موده کې بشپړې شي. یاد سړک چې، د دارالامان سړک له چهلستون سیمې سره نښلوي؛ د ترانسپورتي ستونزو په هوارولو او د سیمو د اقتصادي ودې په برخه کې ځانګړی اهمیت لري. د دې پروژې د چارو له کیفیت څخه د برنامو او پروژو د تنظیم ریاست له لوري په بېلابېلو پړاونو کې تخنیکي او فني څارنې ترسره کیږي