د (TLO) موسسې د زرغون کمربند اړوند په مسلم تپه کې د پستې (۵۰۰) او ناجو (۶۰) نیالګیو په کېنولو سره د کابل ښار په زرغونتیا کې برخه واخیسته. د کابل ښاروالۍ د زرغونتیا رياست کارکوونکي محمد ضمير مياخېل له يادې موسسې مننه وکړه او ويې ويل: څو ورځې وړاندې هم د زرغون کمربند اړوند د مسلم په تپه کې زرګونه ميوه لرونکي او زينتي نيالګي کېنول شوي دي. د کابل ښاروالۍ له خوا د ښار د ښکلا او زرغونتیا په موخه، د نیالګیو کېنولو چارې پیل شوې دي او اړتیا ده چې، هر ښاري د خپل ملکیت مخې ته نیالګي کېنوي او په دوامداره توګه یې ساتنه او پالنه وکړي