د څلورمې ناحیې اړوند له پروان سه سیمې څخه د بادام باغ تر سړک پورې د (۵۶۰) مترو په اوږدوالي او (۲۰) مترو په سور د نښلوونکي سړک د اساسي جوړولو په موخه، د کیندنو، خاورې لېږدولو، د استنادي دېوالونو او لښتیو جوړولو چارې روانې دي. د سړک جوړولو دغه پروژه به د کابل ښاروالۍ د پروژو او برنامو د تنظیم ریاست تر څارنې لاندې تر راتلونکو (۳) میاشتو پورې په معیاري توګه بشپړه شي. د یاد نښلوونکي سړک په جوړېدو سره به له یوې خوا د پروان سه او بادام باغ سیمو اقتصادي ودې ته زمینه برابره شي او بله خوا دغه سړک د کابل ښار د ترافیکي او ترانسپورتي زیربناوو د پراختیا په برخه کې ځانګړی اهمیت لري