د دولسمې ناحیې اړوند د قلعه شانان سړک په اوږدو کې د کابل سیند دپاسه د تر ټولو لوی موټریز پله د جوړولو چارې د کابل ښاروالۍ د کار، ساتنې او څارنې ریاست له خوا روانې دي. د طرحه شوي ډیزاین له مخې دغه پل (۶۰ )متره اوږدوالی او (۱۸.۴) متره سور لري، چې د (۹۰) میخي پایو په وسیله به نصب شي، اوس مهال یې د پایو د کانکریټ چارې روانې دي او وروسته به د پله له وړاندې جوړ شوی فرش هم نصب شي. د دغه پله په بشپړیدو سره به د کابل ښار د ختیځ زون ښاریانو ته ګڼې آسانتیاوې برابرې او په ور څېرمه سړکونو کې به د ترافیکي ګڼې ګوڼې مخه ونیول شي