د کابل ښاروالۍ د کار، ساتنې او مراقبت ریاست له لوري له دیوان بیګي څخه تر مهتاب قلعه پورې د نوي نښلوونکي سړک د جوړولو چارې روانې دي. دغه سړک چې په پنځمه، شپږمه او دیارلسمه ناحیه کې موقعیت لري، او د کمپنۍ سړک د برچي له سړک سره نښلوي، د (۱۷۳۳) مترو په اوږدوالی او (۳۰) مترو په سور سره به تر راتلونکي یوه کال پورې په اساسي توګه جوړ شي. د یادونې وړ ده چې، د سړک جوړولو په دې پروژه کې د موټرو د تګ راتګ لپاره د یوه اساسي پله، د پلو لارو، لښتیو، د بایسکل چلولو لیکو او ګلدانونو جوړول، د څراغونو نصبول او په سړک د کرښو اچول هم شامل دي