د ښار په بېلابېلو برخو کې د نیالګیو کېنولو د پسرلني کمپاین په دوام، داځل په دیارلسمه ناحیه کې د نیالګیو کېنولو کمپاین د کابل ښاروالۍ د مسئولینو او د یادې ناحیې د اوسېدونکو له خوا د کمپنۍ- برچي نښلوونکي سړک په ګلدان کې د نیالګیو په کېنولو سره پیل شو. د زرغونتیا رئیس مولوي عبدالوکیل متوکل، د کلتوري چارو رئیس قاري ولي ګل جواد، د دیارلسمې ناحیې رئیس مولوي عبدالصمد عابد او د یادې ناحیې د سیمه ییزو شوراګانو غړو هر یو په خپل وار له علمي او مسلکي اړخه د نیالګیو په اهمیت خبرې وکړې او هیله یې څرګنده کړه چې، د یوه زرغون کابل د جوړېدو لپاره باید ټول په دې کمپاین کې برخه واخلو. د یادې ناحیې د زرغونو سیمو د پراختیا په موخه به د ښاریانو په مرسته بېلابېل نیالګي کېنول شي او په دوامداره توګه به یې ساتنه او پالنه وشي.