د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د پنځلسمې ناحیې د ۱۳م ګذر په خواجه بغرا سیمه کې د یوه فرعي سړک د جوړولو چارې روانې دي. دغه سړک چې(۹۷۰) متره اوږدوالی او له (۴) څخه تر (۵) مترو پورې سور لري، تر اوسه یې (۷۰) سلنه چارې مخته تللې دي او تر راتلونکو پنځلس ورځو پورې به بشپړې شي. د دې سړک په جوړېدو سره به د سیمې د اوسېدونکو پر وړاندې شته موسمي ستونزې هوارې او ګڼې آسانتیاوې به ورته رامنځته شي.