د ۲۱مې ناحیې اړوند د کابل – جلال آباد تر سړک پورې د بګرامي – لته بند سړک د لومړۍ برخې د جوړولو چارې روانې دي. د سړک جوړولو په دغه پروژه کې چې، (۳۳۰۰) متره اوږدوالی او (۶۰) متره سور لري، د (۴) پلچکونو، استنادي دیوالونو، لښتیو، پلو لارو او ګلدانونو جوړول، د څراغړنو نصبول او په سړک د کرښو اچول هم شامل دي، چې چارې به یې تر راتلونکو (۱۲) میاشتو پورې بشپړې شي. د دغه سړک په جوړېدو سره به له یوې خوا د کابل په ختیځ زون کې اقتصادي ودې ته زمینه برابره او بله خوا به د هیوادوالو د تګ راتګ په برخه کې ګڼې آسانتیاوې رامنځته شي.