ریاست د معلوماتو له مخې؛ د دې سړک د (۱۱۰۰) متره برخې قیر چارې له ژمي وړاندې په دوه لیکو کې ترسره شوې او اوس مهال یې د پاتې برخو په جوړولو کار روان دی ترڅو هغه هم قیر کولو ته چمتو شي. د سړک جوړولو په دغه پروژه کې د لښتیو، کانال، پلو لارو، ګلدانونو، د بایسکل چلولو لیکو جوړول، د ترافیکي نښو او څراغونو نصبول، په سړک د کرښو اچول، او د یوه معیاري سړک نورې برخې شاملې دي چې، د کار له کیفیت څخه یې په بیلابېلو پړاونو کې فني او تخنیکي څارنې ترسره کیږي. د یاد سړک په جوړېدو سره به له یوې خوا د صحت عامې او مکروریانو څلورلارو او په ورڅېرمه سړکونو کې ترافیکي ګڼه ګوڼه کمښت ومومي او بله خوا به د کابل ښار اقتصادي ودې ته زمینه برابره شي