د کابل ښاروالۍ د زرغونتیا ریاست له خوا د قرغې بند د غونډیو په لمنو کې د (۲۱۰۰)، ناجو، مورپان او لمنځې نیالګي او مرسل ګلانو د کېنولو چارې روانې دي. د زرغونتیا ریاست فني مرستیال سراج الدین پټان په دې تړاو وویل: دغه نیالګي او ګلان د کابل ښاروالۍ اړوند قوریو کې روزل شوي دي او تر کېنولو وروسته به په دوامداره توګه خړوب شي ترڅو د دغې تفریحي سیمې ښکلا او زرغونتیا پراختیا ومومي. کابل ښاروالۍ د کابل ښار د غرونو او غونډیو زرغونولو ته چمتوالی لري چې، په همدې موخه یې په دې وروستیو کې د قرغې بند د زرغون کمربند په سیمه کې (۹۷۰۰) میوه لرونکي او بې میوې نیالګي او (۱۱۸۰۰) زینتي بوټي کېنولي دي