د وزیر محمد اکبرخان سیمې د دیارلسم، څوارلسم او پنځلسم فرعي سړکونو د جوړولو چارې روانې دي او ټاکل شوې چې په راتلونکو دوو میاشتو کې بشپړې او ګټې اخیستنې ته وسپارل شي. د سړک جوړولو په دې پروژه کې چې، په ټولیزه توګه (۱۱۶۰) متره اوږدوالی او له (۱۲) څخه تر (۱۳.۵) مترو پورې سور لري، د لښتیو او پلو لارو جوړول هم شامل دي. د کابل ښاروالۍ د برنامو او پروژو د تنظیم ریاست د انجینرانو له خوا د یادې پروژې د چارو د ښه کیفیت د تضمین په موخه، فنی او تخنیکي څارنې ترسره کیږي. د یادونې وړ ده چې، د دغو سړکونو په جوړېدو سره به له یوې خوا د یادو سیمو د اوسېدونکو پر وړاندې شته ستونزې هوارې او بله خوا به د ور څېرمه سړکونو ترافیکي بهیر وویشل شي.