د څلورمې او ۱۷مې ناحیو اړوند د سرای شمالي له څلورلارې څخه د نادريې لیسې تر څلورلارې پورې د بادام باغ سړک د جوړولو او پراختیا پروژه، چې تېر کال پیل شوې وه، تر اوسه (۴۷) سلنه پرمخ تللې ده. دغه سړک چې، (۳۲۸۹) متره اوږدوالی، او له (۲۰) تر (۳۰) مترو پورې سور لري، د لښتیو، ګلدانونو، څراغونو نصبولو، په سړک د کرښو اچولو او د یوه معیاري سړک د نورو برخو په ګډون د جوړېدو په حال کې دی او د چارو د کیفیت د تضمین په موخه یې له بېلابېلو کاري پړاونو څخه فني او تخنیکي څارنې ترسره کیږي.