د دولسمې ناحیې اړوند د محبس له څلورلارې څخه د سلیم کاروان تر سړک پورې د (۲۰۰۹) مترو په اوږدوالي، (۲۴، ۳۰ او ۴۰) مترو په سور سره د سړک جوړولو چارې چې، د هوا د سړښت له امله ځنډېدلې وې، بیا پیل شوې. د کابل ښاروالۍ د برنامو او پروژو د تنظیم ریاست د معلوماتو له مخې؛ د سړک جوړولو دغه پروژه چې تر اوسه (۳۷) سلنه مخته تللې ده، تر راتلونکو (۴) میاشتو پورې به بشپړه شي. په یاده پروژه کې د لښتیو، پلو لارو، ګلدانونو او د بایسکل چلولو لیکو جوړول، په سړک د کرښو اچول، د ترافیکي نښو نصبول او د یوه معیاري سړک نور جزئیات شامل دي چې، د کار له کیفیت څخه یې په بېلابېلو پړاونو کې تخنیکي او فني څارنې ترسره کیږي.